Биткоин, најпознатата криптовалута во светот, според сајтот „Коиндеск“, продолжува да ја губи својата вредност утрово. Во моментов се тргува по цена од 32.800 долари, што е пад од 7,86 проценти во последните 24 часа. Пазарната капитализација на биткоинот падна на 614,67 милијарди долари.
Етереум, исто така, претрпе нагло опаѓање во последните 24 часа. Имено, се тргува по цена од 2.017 долари, што значи дека неговата вредност падна за 8,36 проценти. Пазарната капитализација на Етереум е 235,98 милијарди долари.
Остатокот од пазарот на криптовалути исто така бележи драстични загуби, имено Рипл (7,7 проценти), Кардано (6,21 процент), Доџкоин (10,12 проценти), Стелар (6,2 проценти), Полкадот (10,39 проценти)…