Биткоинот денес е во значителен пад, па така околу 11 часот цената на најпопуларната криптовалута беше околу 47.100 долари. Вредноста на дигиталната паричка е во постојан „минус“ од полноќ, по македонско време, кога цената достигна скоро 49.000 долари.
Така, во последните 24 часа, биткоинот ослабе за повеќе од 6 проценти.
Во текот на изминатата недела, биткоинот претрпе одредена корекција, а со тоа и скоро сите други криптовалути.
Откако на 21 февруари достигна рекордна вредност од 58.000 долари, што е двојно повеќе од влегувањето во 2021 година, неговата цена падна на 44.000 или 25 проценти помалку од рекордот минатиот петок.