СТАНДАРД life
КОМПАНИИ

И Netflix го копира TikTok: Популарната платформа за филмови и серии станува социјална мрежа?!

Кинеската апликација TikTok целосно го разби пазарот на социјални мрежи и може да се каже дека суверено владее со оваа категорија.

Ова може да се забележи бидејќи другите социјални мрежи, како што се Instagram, Twitter, YouTube и многу други, го усвоија начинот на работа на апликацијата.

Овој краток формат од 20 секунди за една објава и видео е апсолутен хит кај корисниците, затоа не сме изненадени што конкуренцијата објавува свои верзии на TikTok. Тоа е за Instagram Reels, за YouTube Short, а списокот продолжува и продолжува. Последниот во низата платформи што го прифати моделот на TikTok е Netflix!

Верувале или не, овој стриминг сервис за филмови и серии ќе вметне кратки видео клипови, но пресвртот во целата приказна е дека содржината ќе биде направена од нивните емисии како Big Mouth или специјални производи од некои од најпознатите комичари како Џери Сајанфелд и Али Вонг. Доколку ви се допаѓа клипот што сте го гледале, ќе имате можност да ја зачувате објавата, но и да пристапите до таа серија, филм, документарен филм …

Оваа опција ќе се вика Fast Laughs, во моментов ќе биде достапна само за iOS уреди во одредени земји. Доколку оваа опција заживее, односно стане многу популарна кај корисниците, не би биле изненадени доколку целосно го замени гледањето цели емисии, филмови и серии, бидејќи на овој начин можете да ги гледате најинтересните делови.

„Ние секогаш бараме нови начини за забава и да го олесниме пребарувањето на нашите клиенти“, рече Патрик Флеминг, директор за иновации во производи на Netflix, кој додаде дека Fast Laughs е „нова опција полна со смешни видеа од широкиот спектар на Netflix на филмови и серии, па „сè до стенд-ап специјали“.

Иако на почетокот можеби нема многу смисла да додавате такви опции на еден сервис за стриминг, Netflix верува дека TikTok е еден од најголемите ривали, иако тие немаат иста содржина. Причината за ова е што луѓето трошат многу време на оваа кинеска апликација, што значи и дека трошат помалку време на Netflix, пренесува The Verge.

Не веруваме дека Netflix ќе ја направи оваа опција нова социјална мрежа, но ќе ја искористи оваа платформа за рекламирање на нејзините достигнувања. Компанијата наскоро ќе започне со тестирање и на уреди со Android.

Поврзани вести

Студија: Сивата економија како начин на живот во Југоисточна Европа

Влатко Зорба

Netflix ја тестира опцијата „Shuffle Play“

msp-admin

Волстрит брка уште една голема кинеска компанија

Влатко Зорба