VISA и финтек стартапот Plaid го раскинаа договорот за спојување вреден 5,3 милијарди долари откако се соочија со правни тешкотии од Министерството за правда.
Предложената зделка беше објавена пред една година, но во ноември DOJ поднесе тужба за блокирање на аквизицијата врз основа на монопол.
Во изјавата објавувајќи го раскинувањето на спојувањето во вторникот, извршниот директор на VISA, Ал Кели се осврна на „долгата и сложена тужба“ за која ќе биде потребно „значително време за целосно решавање“.
Компаниите соопштија дека DOJ се согласил да се откаже од тужбата.
Кели рече дека е уверен дека VISA на крајот ќе ја добие правната битка за зделката и дека смета дека можностите на Plaid се „комплементарни“ и „неконкурентни“.
Plaid произведува дигитална инфраструктура што ги поврзува финансиските податоци од банкарските сметки на луѓето со апликациите што ги користат за управување со своите пари, како што се Venmo, Coinbase и Expensify.
„Имаше невиден пораст на побарувачката за услуги кои се напојуваат од Plaid во текот на изминатата година, а наш приоритет е да поддржиме стотици милиони луѓе кои сега се потпираат на финтек“, рече Зак Перет, извршен директор и коосновач на Plaid во изјавата.
Во својата тужба Министерството за правда тврди дека VISA е „монопол во дебитни транскации преку Интернет“ и дека новата услуга развиена од Plaid може да биде легитимна конкуренција за деловното работење на VISA.
Plaid вели дека иако двете компании би биле „одлична комбинација“, таа сега ќе работи со VISA како инвеститор и партнер за „целосно да се фокусира на градење на инфраструктурата за поддршка на финтек просторот“.