Долгоочекуваното, второ издание на настанот Get EXITed во Струмица, организиран од тимот на EXIT, им приреди на посетителите незаборавен спектакл синоќа во Градскиот парк Струмица! Повеќе од 20.000 фанови до утро танцуваа на омилените песни на поп и соул сензацијата Џон Њуман, кој со својот специјален настап покажа зошто денес важи за една од најголемите светски ѕвезди, потоа на незаборавниот сет на светскиот хитмејкер Бурак Јетер, регионалните мегаѕвезди Констракта и Ван Гог, но и одличниот оркестар Џамбо Агушеви, чудото на електронската музичка сцена Лана и продуцентот и диџеј The Geors.
„Многумина во последните децении работеа на што повеќе да ги поделат луѓето и народите на овие простори, а токму ваквите настани го прават тој процес обратен, така што наместо омраза имаме љубов, наместо војни – мир и наместо кавги – соработка и разбирање. Ваквите проекти ја враќаат надежта и вербата дека подобра иднина е можна не само овде, туку и во целиот свет и тоа е суштината на нашата соработка со Струмица“ – изјави основачот и директор на фестивалот EXIT, Душан Ковачевиќ.
На втората Get EXITed забава, која ветува дека ќе стане нова, голема традиција, присуствуваше и градоначалникот на општина Струмица, Костадин Костадинов, кој ја истакна важноста на овој настан.
„Кога ќе дојдете на Get EXITed Струмица, се чувствува позитивната енергија која е лајтмотив и за мене и за Душан како основач на фестивалот EXIT. Навистина е чест и задоволство да се има овој настан втора година по ред, а сигурно ќе го имаме следната и следната година. Сè додека можеме да шириме позитивна енергија на Балканот, ќе го правиме тоа, бидејќи настаните како овие не обединуваат“, рече градоначалникот.
Феноменалниот Џон Њуман ги воодушеви фановите со својот специјален хибриден настап, носејќи емотивни мелодии и танцувачки ритам во совршени пропорции, додека светски познатиот продуцент и диџеј со турско потекло Бурак Јетер ја донесе енергијата да блесне со најголемите светски хитови. Публиката уживаше во еклектичната и жанровски разновидна музичка програма донесена од омилениот уметник од регионот Констракта со нејзиниот бенд Земља Грува, рок легендите Ван Гог со нивната богата, безвременска дискографија и еден од најдобрите трубачки ансамбли на Балканот, оркестарот Џамбо Агушеви, додека одличниот електронски звук го комплетираа и го донесе првиот потписник пред EXIT Echosystem Music & Talent Office – Lanna и продуцентот и диџеј The Geors.
Мисијата на Exit од своето основање е поврзување региони и промовирање на мирот, како и брендирање на дестинации и збогатување на културната понуда преку развој на креативните индустрии и фестивалскиот туризам, а оваа незаборавна летна забава донесе спектакл во прекрасниот Градски парк на Струмица и воспостави Статус на нова важна туристичка атракција на Балканот, која втора година по ред ги исполнува сите сместувачки капацитети во Струмица и околината.
Настанот Get EXITed го организираа тимот на EXIT и општина Струмица.