Македонскиот пејач Даниел Кајмаковски, на социјалните мрежи сподели дека ќе биде гостин на концертот на балканската ѕвезда Лепа Брена, кој ќе се одржи вечерва во Охрид.
„Толку многу песни и музика во изминативе години, а за многу генерации се’ уште најпривлечно и најинтересно звучат хитовите на Брена.
Чест ми е што таа лично ме покани да бидам гостин на нејзиниот концерт во Охрид!
Сите мои најблиски ја сакаат и почитуваат, особено мајка ми. Посебен е овој момент, повторно да ја делам сцената со Брена, права дама, единствена и по музиката и по убавината.
Не е битно каква музика слушаш и колку години имаш, Брена ја знаеш и сакаш да ја слушаш“, соопшти Кајмаковски.