Експертот за партнерски односи Слаѓана Трикиќ истакнува дека мажите инстинктивно се свртуваат кон девојките. Повеќето жени доживеале дека во нејзино присуство мажот со кој е во врска гледа во друга жена. Најчесто ваквиот чин овие жени го сметаат за непочитување и често поради него се води полемика или караница.
Таа открива зошто тоа не треба да ви пречи:
Овде, пред сè, е важно да се разбере една важна разлика меѓу мажите и жените, а тоа е дека мажите првично ги привлекува тој визуелен момент, односно изгледот на жената. Додека жената, кога ќе види привлечен маж, тогаш е заинтересирана дополнително да ја запознае неговата личност. Ова е една суштинска разлика помеѓу мажите и жените. Така, на почетокот мажите, да речеме, ги привлекува и возбудува тој визуелен изглед, а жената е позаинтересирана да ја запознае личноста на мажот, но како што одминува времето и како што напредува врската, се развива врската, мажот станува сè позаинтересиран и сè е всушност тој внатрешен дел од женската личност што почнува повеќе да ја возбудува – вели Слаѓана и додава:
Со жените се случува спротивното. Колку подобро го запознава мажот и колку повеќе и се допаѓа неговата личност, толку повеќе ќе чувствува страст кон него, возбуда и воопшто желба за интимен контакт. Жената која не е запознаена со оваа разлика помеѓу мажите и жените навистина може да има голем проблем кога нејзиниот партнер ќе погледне или ќе се сврти кон друга жена и таа може да се чувствува непривлечно и повредено. Навистина е важно да го разберете ова, мажите го прават тоа инстинктивно – заклучува Слаѓана.