Убавината на Ана де Армас освои бројни обожаватели, вклучувајќи го и Том Круз, кој едноставно не можеше да одолее на нејзиниот шарм. И додека светот е полн со дами кои својата убавина и негуван изглед им го должат на пластичните хирурзи и часовите поминати пред огледалото, оваа прекрасна актерка тврди дека убавината доаѓа од едноставноста.
На 37 години, таа стана симбол на опуштена елеганција и тврди дека следи многу едноставна рутина за убавина.
Еден од нејзините големи адути е нејзината прекрасна, сјајна коса, која ја одржува избегнувајќи непотребни алатки за стилизирање. Наместо тоа, таа практикува хидратација, топли бањи и релаксација пред спиење, за што вели дека влијае и на нејзината коса.
„Вклучив топла бања со соли, сапун и бомба за капење во мојата дневна рутина. Дури и ако брзам, се трудам да поминам барем 15 или 20 минути во неа. Не сакам да ја прескокнувам. Стана многу важен дел од мојата рутина пред спиење. И нема телефон во бањата“, тврди убавата актерка.
Таа исто така не користи многу производи, туку се држи до проверени формули кои добро делуваат на нејзината коса.
И додека сите овие совети звучат сосема во ред, една нејзина навика може да ги вознемири нашите мајки и баби. Имено, таа си легнува со влажна коса!
„Ја обожавам косата кога ја мијам навечер. Си легнувам со малку влажна коса, а наутро е сосема чиста“, призна актерката за Glamour USA.