Принцот Хари од неодамна живее живот полн со забавни излети, а оваа недела уживаше во фудбалски натпревар меѓу истакнатите гледачи од списокот што го состави Дејвид Бекам. И покрај гласините дека Сасекси влегле во војна со Бекамови, имињата на Хари и Меган беа на списокот, иако Маркл не присуствуваше.
Иако во јуни многумина заклучија дека односите меѓу Сасекси и Бекамови се заладиле, принцот Хари сепак го најде своето место покрај Дејвид Бекам. Сасексите ги заладија односите со семејството Бекам поради стравот дека Викторија и Дејвид оддале некои тајни за нив, па Хари и Меган не добија покана за свадбата на најстариот син Бекам. Наводно уништените пријателства веќе не изгледаат толку уништени бидејќи Хари и Меган се најдоа на ВИП листата за меч во клубот со кој раководи англиската фудбалска ѕвезда.
Принцот Хари беше меѓу неколкуте избрани во неделата вечерта додека присуствуваше на натпреварот помеѓу Интер Мајами и ФК Лос Анџелес на стадионот БМО. Војводата од Сасекс беше фотографиран во добро расположение заедно со други гости, но неговата сопруга Меган не беше со него.
И покрај тоа што нејзиното име е на списокот на истакнати присутни кои протече на интернет, Меган Маркл не присуствуваше на фудбалскиот натпревар.
Имињата на војводата и војвотката од Сасекс стојат покрај другите познати ѕвезди, меѓу кои Леонардо ди Каприо, Џерард Батлер, Том Холанд, Тоби Мекгваер и Џејсон Судеикис, а Бруклин Бекам пристигна на стадионот со сопругата Никола Пелц.
Бруклин и Никола се фотографираа со блиската пријателка Селена Гомез, која на Инстаграм се пошегува со тоа што сподели фотографија на која е во навивачко расположение.
Принцот Хари во последно време многу излегува и е чест гостин на собири. Присуствувањето на натпреварот на Мајами доаѓа само еден ден по роденденот на неговата свекрва Дорија Рагланд и два дена откако тој и се придружи на Дорија, сопругата Меган и нејзините пријатели на концертот на Бијонсе во Лос Анџелес.