Меган Маркл објави ретка семејна фотографија од сопругот, принцот Хари и нивната ќерка, принцезата Лилибет, вчера на Денот на вљубените.
Четиригодишната Лилибет носи розов фустан и соодветни хулахопки, во рацете држи црвени балони додека е во прегратка на татко ѝ.
View this post on Instagram
„Овие двајца + Арчи = моето Валентиново засекогаш“, напиша Маркл, 44, покрај објавата.
Ова е една од ретките фотографии од ќерката на позната двојка, а многумина ќе се согласат дека девојчето е исто како татко ѝ.
Црвенокосата Лилибет го доби прекарот на нејзината баба, кралицата Елизабета Втора. Кога кралицата Елизабета била мала, не можела да го изговори своето име, па наместо целосното име го кажувала Лилибет. Децении подоцна, тој прекар станал име на нејзината внука.
Меган и принцот Хари се венчаа во 2018 година, две години пред да се повлечат од своите кралски должности и да се преселат во Калифорнија со своите две деца.
Откако се преселија во странство, двојката остана неразделна.
„Тој е едноставно тука, тој е постојан, знам дека ќе направи сè што може за да се осигури дека нашето семејство е безбедно и заштитено“, го опиша Меган Хари во гостувањето во шоуто на Џејми Керн Лима минатата година.