🎬Камерите снимија незгоден момент помеѓу кралицата Камила и Кејт Мидлтон

За време на официјалниот прием за државната посета на американскиот претседател Доналд Трамп на Велика Британија, камерите го снимија навидум незгодниот момент помеѓу кралицата Камила и Кејт Мидлтон. Инцидентот се случил додека принцезата од Велс разговарала со првата дама Меланија Трамп.

Принцот и принцезата од Велс, Вилијам и Кејт, беа првите што ги поздравија Доналд Трамп и неговата сопруга на имотот на замокот Виндзор во средата, со што започна официјалната посета на Трамп на Велика Британија. Потоа кралскиот пар ги придружуваше двајцата за да се сретнат со кралот Чарлс и кралицата Камила.

Видео од приемот покажува како, по срдечните поздрави, Доналд (79) и кралот Чарлс (76) започнаа разговор, по што следеа Камила (77) и Меланија (55). Набрзо им се придружија принцот Вилијам, кој се придружи на разговорот помеѓу кралот и Трамп, и принцезата Кејт, која им се придружи на кралицата и Меланија.

Додека принцезата Кејт и Меланија Трамп пријатно разговараа, кралицата Камила ја следеше ситуацијата. По неколку моменти, Камила направи јасен гест со раката за принцезата Кејт да се помрдне. Принцезата послуша, се помрдна и застана до својот сопруг, принцот Вилијам. Видеото од незгодниот момент беше споделен на X.

Ok you can go now, the grown ups need to talk 😂 Cammy is no joke 😂😂😂 pic.twitter.com/g9jaMqrdvx

— SK 💃🏾🕺 (@Rimmesfk) September 17, 2025

Потоа кралицата Камила и Меланија накратко го продолжија разговорот додека целата група се подготвуваше за пристигнувањето на кочиите што ќе ги превезат до замокот Виндзор.

Можноста за разговор продолжи и за време на возењето, додека кралицата Камила и Меланија се возеа заедно во шкотската државна кочија.

Кралот Чарлс и претседателот Трамп ја предводеа поворката во ирската државна кочија, додека принцот и принцезата од Велс се возеа со американскиот амбасадор Ворен Стивенс и неговата сопруга.