Актерот Патрик Демпси е прогласен за најсексипилен маж на годината од страна на магазинот People.
Поминаа речиси две децении откако Патрик Демпси се појави на малите екрани како неврохирургот Дерек „Мекдрими“ Шепард во серијата Grey’s Anatomy.
Неговиот статус на срцекршач трае долго време, па со текот на годините безброј пати ги красеше страниците на ова издание. Сега ја понесе ласкавата титула за најсексипилен маж на светот.
„Мило ми е што тоа се случува во овој момент од мојот живот“, изјави 57-годишниот актер. „Убаво е да се има ова признание.
Па, што му поминало низ умот кога првпат ја слушнал веста?
„Бев тотално шокиран, а потоа почнав да се смеам, како, ова е шега, нели?“, изјавил тој смеејќи се и додал:
„Целосно заборавив на тоа и никогаш не ни помислив да бидам на оваа позиција. Значи, моето его е добро“.
Демпси ужива да биде семеен човек. Со сопругата Џилијан (57), шминкерка и основач на сопствената линија за убавина, тој има три деца: Талула (21) и 16-годишните близнаци Саливан и Дарби. Актерот е познат и по својата страст и склоност кон возење тркачки автомобили.
Во декември, тој ќе ги покаже своите тркачки вештини во биографскиот филм за „Ферари“ во режија на Мајкл Ман, играјќи го италијанскиот возач Пјеро Таруфи.