📸Сопругата на Роби Вилијамс хоспитализирана по ноќно излегување

Сопругата на Роби Вилијамс, Ајда Филд, ги изненади своите следбеници на социјалните мрежи со лоши вести. Имено, таа откри дека итно била хоспитализирана во Лос Анџелес по едно ноќно излегување, но причината ја задржала за себе.

„По совршена вечер, не толку совршен крај. Сега се вратив и се одмарам благодарение на мојот прекрасен сопруг Роби Вилијамс, кој беше покрај мене“, напиша таа покрај фотографијата на која седи со вознемирен израз на болничкиот кревет.

Без да се открие зошто итно била пренесена во болница, јасно е дека лекарите ја приклучиле на монитор за срце и дека прима инфузија.

Ајда и Роби Вилијамс ја поминаа вечерта во популарниот ресторан Cipriani во Лос Анџелес, каде што им се придружија Џоан Колинс и нејзиниот сопруг Перси Гибсон.

Сега изгледа дека на Ајда не и е ништо сериозно, бидејќи на Инстаграм веќе прикачила слика направена вечерта, на која стои со својот сопруг Роби.

View this post on Instagram

A post shared by Ayda Field Williams (@aydafieldwilliams)

Додека блескаше во златен и сребрен фустан посипан со светки, пејачот го усогласи својот стил со изборот на сребрени чевли.

Роби Вилијамс 30 години боледува од депресија: „Сите знаеја – не им беше грижа“