Во својата кариера како актерка, поранешната девојка на Леонардо ди Каприо продолжува да постигнува успеси. По забележителната улога во серијата „Daisy Jones & The Six“, Камила Мороне сега ја предводи актерската екипа на режисерското деби на Патриша Аркет, која ревносно ја промовира деновиве во Торонто.
Во филмот „Gonzo Girl“, базиран на истоимениот роман на авторката Шерил Дела Пиетра, 26-годишната Камила глуми покрај Вилем Дефо, со кој, заедно со режисерката Аркет, се појави на новото издание на Меѓународниот филмски фестивал во Торонто.
Како што имаше прилика да открие, таа за прв пат е во Торонто, па се појави во неколку интересни изданија за оваа пригода.
За прошетката на црвениот тепих на познатиот филмски фестивал, акцентот го стави на раскошните фустани без прерамки, а со највпечатлив пример се појави на доделувањето на TIFF Tribute Awards.
Кремасти бои и скулптурни силуети, споменатата креација во духот на популарната естетика на тивкиот луксуз особено ѝ поласкаа на фигурата и исончаниот тен на убавата Аргентинка, на која и се насмевнува блескава кариера во Холивуд.