Се повеќе има извештаи за потенцијалниот флексибилен iPhone на Apple, а најновиот го поврзува со „евтиниот“ iPad. MyDrivers сугерира дека Apple би можел да го замени iPad mini со нов флексибилен модел на iPhone, кој исто така ќе понуди можност за внесување содржина со паметно пенкало.
Минатата недела се појавија информации дека флексибилниот телефон на компанијата од Купертино може да има поддршка за стилусот, но не е познато дали тоа ќе биде сегашниот „Apple Pencil“ или некој нов уред. Дисплејот се очекува да биде помеѓу 7,3 и 7,6 инчи, со долг сооднос.
MyDrivers сугерира дека може да го видиме флексибилниот уред на Apple во текот на септември 2022 година, иако некои други извори сугерираат објава едвај во текот на 2023 година.