Стандард
ТЕХНОЛОГИЈА

Скандалот околу Cyberpunk 2077 се заплеткува

Трагичната премиера на Cyberpunk 2077 во декември беше придружена со сериозни технички проблеми и „багови“. Ова ја поттикна Sony да ја отстрани играта од PlayStation Store, а Microsoft да стават предупредувачка етикета за проблемите на Cyberpunk 2077 на Xbox One.

Сепак, излегува дека сето ова е логичен заклучок на процесот на создавање на Cyberpunk 2077, кој беше проследен со огромни проблеми.

Цитирајќи извори запознаени со играта, „Блумберг“ откри дека работата на Cyberpunk 2077 е обележана со технички проблеми и нереални рокови од самиот почеток. Значи, дознаваме дека иако Cyberpunk 2077 беше објавен во 2012 година, вистинската работа на играта започнала едвај во 2016 година, кога се смени целокупниот концепт и изгледот од трето лице беше заменет со прво.

Исто така, излегува дека визуелно импресивното демо на Cyberpunk 2077 за време на Е3 2018 било скоро целосно лажно. Полјаците одлучија дека создавањето на специјално демо за шоуто ќе потроши месеци и ресурси и наместо тоа понудија вештачка верзија на играта која не ја одразува нејзината реална состојба.

Како надополнување, многу карактеристики како што се паркур, гејмплеј и летачки автомобили беа извадени од Cyberpunk 2077 за време на процесот на развој. Специјално паркур елемент беше прикажан во неколку демо верзии на играта пред нејзината премиера. Разочарувачкиот полициски систем беше додаден во последен момент.

„Како што може да се види од финалниот производ, студиото се обидело истовремено да направи и игра со улоги и копија на GTA, со мал дел од ресурсите на Rockstar“, рече новинарот Џејсон Шрејер, кој стои зад откритијата.

Како одговор, шефот на CD Projekt Red, Адам Бадовски, застана во одбрана на Cyberpunk 2077, велејќи дека карактеристиките што недостасуваат се дел од креативниот процес и рече дека верзијата за персонални компјутери на играта добила добри оценки, за разлика од конзолните, за кои рече дека се „друга приказна“.

Поврзани вести

Наскоро доѓа првиот смартфон на Motorola со подвижна селфи камера

msp-admin

Galaxy A32 5G – најевтиниот 5G модел на Samsung

Влатко Зорба

Google предупредува: Оваа опција го нарушува менталното здравје, ќе ja промениме на нашите телефони

msp-admin
error: Превземањето на содржина без дозвола од авторот е дело казниво со закон!!!