СТАНДАРД life
ТЕХНОЛОГИЈА

Фотографии го откриваат дизајнот на OnePlus 8

OnePlus веќе започнале со работа на нов паметен телефон, кој ќе се обиде да го прошири своето влијание во индустријата. Станува збор за моделот кој нуди неколку интересни додатоци во дизајнот и се очекува да биде претставен како OnePlus 8. Долгоочекуваниот наследник на „OnePlus 7“ ќе има дисплеј без рамка и мал отвор за предно селфи во горниот лев агол. Резолуцијата на овој сензор сè уште не е позната, пренесува CashKaro.

Фановите на мобилна фотографија со задоволство ќе дознаат дека OnePlus 8 сега ќе има тројна задна камера. Во моментов ова е еден од најбараните додатоци на смартфоните OnePlus од фановите на компанијата. Една од најатрактивните карактеристики на паметниот телефон ќе биде поддршката на системот за безжично полнење. Вреди да се одбележи и дека дизајнот на звучникот, кој се наоѓа на долниот дел од екранот, е изменет.

Целосните димензии ќе бидат 160,2х72,9х8,1 мм. Ова ќе биде првиот модел на компанијата што не носи „Pro“ во своето име и има заоблен дисплеј. Самиот екран се очекува да биде со големина 6,5 инчи и да поддржува целосна HD резолуција. Официјалната премиера е следната година, што ќе гарантира дека паметниот телефон ќе работи на Android 10 и веројатно ќе функционира на процесорот Qualcomm Snapdragon 865. Ова засега се сите детали што ги имаме на располагање за OnePlus 8.

Поврзани вести

Веб-верзијата на WhatsApp веќе поддржува видео повици

Влатко Зорба

Фејсбук конечно овозможи „темен режим“ на десктоп верзијата

msp-admin

Spotify од денеска достапен за Македонија

msp-admin