Неодамна објавивме за непријатна грешка во iOS 13.2 што влијаеше на многу корисници. Станува збор за агресивно затворање на апликации во позадина, што предизвикува проблем со функционирањето на опцијата за мултитаскинг.
За решавање на ова, Apple започна со дистрибуција на iOS 13.2.2 на сопствениците на iPhone и iPod touch. Ажурирањето го прилагодува системот за управување со RAM меморијата и ги отстранува засегнатите грешки.
Другите промени вклучуваат и проблеми со поврзување на мобилна мрежа. Некои уреди се чини дека го губат сигналот привремено по завршувањето на повикот, а понекогаш се губи и пристапот до мобилни податоци.
Во меѓувреме, компанијата претходно објави iOS 13.2.1, кој е насочен исклучиво на звучникот HomePod, откако со верзијата 13.2 беа блокирани некои уреди.
Оваа недела, компанијата од Купертино ја објави и првата бета верзија за развивачите на iOS 13.3, во која се очекува да се додаде и „Screen Time“ опцијата за ограничување.