Huawei ќе ја претстави својата нова топ серија смартфони P40 во март, и иако има уште доста време, ние сме сведоци на нови информации поврзани со моделите. Два од нив, P40 и P40 Pro, поминале во процес на сертификација во TENAA. Оттаму, дознаваме дека тие ќе бидат достапни во две варијанти – ANA-AN00 и ANA-TN00, и ELS-AN00 и ELS-TN00.
Веројатно, поделбата ќе зависи од тоа дали се за домашниот пазар или за меѓународниот пазар. Од публикациите во TENAA, можеме да видиме дека сите четири уреди ќе поддржуваат режими SA и NSA во 5G. Покрај тоа, ќе има слотови за две СИМ картички, а во смисла на софтвер ќе го видиме оперативниот систем Android.
Серијата, исто така, се очекува да вклучува премиум модел, P40 Premium Edition, во кој ќе има пет камери на грбот. Меѓу објективите ќе има и перископен со фокална должина од 240мм и можност за постигнување на 10x оптички зум.
P40 може да понуди и камера со сензор од 52 MP, 40MP Cine Camera и 8MP со телефото објектив со 5x оптичко зумирање. P40 Pro треба да има заоблен екран со отвор за двојна селфи камера.