Играта „Tie Dye“ на македонското студио за игри „Furious Avocado“ за една недела се најде на светските топ-листи како најпреземана игра, само на iOS има над 3.000.000 преземања.
– Пред шест месеци, заедно со другарите и неверојатни професионалци Иво Нешковиќ, Марио Ампов, Томи Џуровски, Дамјан Михајлов и Бобан Стојчевски, тргнавме во авантура наречена „Furious Avocado“ – наше гејминг-студио кое долго време беше наш сон. Во оваа авантура не бевме сами. Од самиот старт на наша страна ги имавме „CrazyLabs“, еден од најдобрите издавачи на мобилни игри во светот. Шест месеци подоцна еве нè со нашата прва игра „Tie Dye“ – број 1 во светот во првата недела од објавување со повеќе од 3 милиони симнувања само на iOS! – сподели еден од креаторите на оваа игра, Наум Михајловски.