На интернет се појави онлајн карта што покажува ширење во реално време на коронавирусот. Епидемијата еруптираше во градот Вухан, провинцијата Хубеи, а заразени лица веќе се регистрирани и во други земји низ целиот свет.
Картата дава информации за сите потврдени случаи на заболување, како и за смртни случаи. Покрај тоа, веб-ресурсот обезбедува податоци за сите пациенти со сомнежи за инфекција со коронавирусот, како и за пациенти кои се опоравуваат од оваа болест.
Интернет-алатката користи податоци од Светската здравствена организација (СЗО) и центрите за контрола на болести во САД, Европа и Кина.
Коронавирусот 2019-nCoV за прв пат се појави во кинескиот град Вухан. Бројот на заразени лица сега е близу 3.000, а бројот на загинатите е над 80.
Во исто време, десетици пациенти се опоравија од вирусната инфекција.