Неотворена Нинтендо игра „Супер Марио Брос“ од 1986 година беше продадена на аукција во Америка за 660.000 долари!
Играта беше купена во 1986 година како Божиќен подарок, ставена во фиока и заборавена неотворена сè додека не беше пронајдена на почетокот на оваа година. Аукциската куќа „Херитиџ“ од Далас објави дека играта е продадена во петокот.
„Херитиџ“ наведува дека тоа е најдобрата копија на играта за која се знае дека е професионално оценета за лицитација. Нејзината продажна цена далеку ги надмина 114.000 долари освоени на аукција минатото лето, за уште една неотворена игра произведена во 1987 година.
„Бидејќи прозорецот за производство на оваа копија и други слични на неа е толку краток, наоѓањето друга копија од истиот производствен циклус во слична состојба би било како да барате капка вода во океанот“, рече специјалистот за видео игри Валери Малеки.