Xiaomi претстави нов концепт на паметен телефон со четиристран заоблен екран. Екранот е заоблен на 88 степени, без порти и хардверски копчиња. Од компанијата велат дека целта е да се прошират границите на екранот и да се постигне дизајн без „влезови“.
Сепак, споделените слики не ги покажуваат рабовите на корпусот, кои се оставени во црно, без детално да ги видиме. Претставник на Xiaomi за The Verge изјави дека уредот постои и е во работна состојба.
Компанијата забележува дека дисплејот е резултат на бројни откритија во врска со технологијата на виткање на стаклото и ламинирање. Новиот концепт доаѓа кратко откако Xiaomi сподели информации за своето решение за безжично полнење Mi Air Charge.