Ако веќе не сте, пробајте чај од ѓумбир.
Овој чај има необична арома, која ја даваат бројни испарливи и неиспарливи материи, меѓу кои важна улога играат ѓингеролите. Со право може да се каже дека е еден од најефикасните напитоци во лекувањето на болки во грлото, кашлица и бронхитис. Помага за проодност на респираторниот тракт, а неколку научни студии покажаа дека ѓумбирот е ефикасен против бактериите кои предизвикуваат некои респираторни инфекции.
Покрај тоа, чајот од ѓумбир е одлична помош против мачнини од различни причини, вклучително и оние кои се јавуваат за време на хемотерапијата. На луѓето кои страдаат од болест на движење им се препорачува да пијат чај од ѓумбир пред и за време на патувањето. Исто така, редовното консумирање помага за здравјето на срцето и крвните садови со намалување на концентрацијата на ЛДЛ холестеролот и спречување на таложење на атеросклеротични наслаги.
Поддржува регенерација на црниот дроб, раствора камења во бубрезите, раст и репродукција на посакуваните бактерии во цревата, нормализирање на зголемената концентрација на шеќер во крвта, а исто така ги спречува несаканите промени во телото кои го придружуваат дијабетесот.
Како да направите чај од ѓумбир
Состојки:
2 dcl вода
1 dcl кокосово млеко
¼ лажичка куркума
¼ лажичка рендан
ѓумбир
Подготовки:
Во тенџерето ставете ја водата да се загрее. Кога водата ќе зоврие, додадете куркума и ѓумбир. Намалете ја температурата и варете на тивок оган 7-10 минути. Додадете млеко и процедете го чајот во чаша. Подобрете го вкусот на чајот со додавање мед.
Доколку сте бремени или страдате од хронично или сериозно заболување, консултирајте се со вашиот лекар пред да го консумирате, пишува živim.hr.