Мандарините се популарно цитрусно овошје поради силниот, сладок вкус, а оваа година нивната цена, за разлика од другите овошја и зеленчук, ги прави достапни. Тие имаат репутација дека се генерално послатки од портокалот. Ова ги прави вкусен, здрав десерт.
Како и сите цитрусни овошја, мандарините се богати со витамин Ц. Тие исто така имаат умерено количество на витамин А, со 100 грама мандарини кои ви обезбедуваат приближно 14 проценти од дневниот препорачан внес на витамин А.
Благодарение на витаминот А и Ц, мандарините му помагаат на телото да се бори против воспалението, бидејќи содржи голема количина на антиоксиданси. Тие му помагаат на имунолошкиот систем да пронајде, а потоа да ги уништи штетните организми и на тој начин ни овозможуваат да се заштитиме од грип.
Витаминот Ц е добар извор на антиоксиданси кој е добар за циркулацијата и го штити срцето. Калиумот, кој го има во мандарините, е добар и за циркулацијата на крвта, бидејќи ги проширува крвните садови. Затоа, не треба да претерувате со калиум, па две-три мандарини дневно се сосема доволни.
Пријавени се и здравствените придобивки од консумирањето кора од мандарина. Кората содржи супер-флавоноид, или антиоксиданс, наречен танџеретин. Супер-флавоноидите се покажаа ветувачки во студиите како ефикасен начин за намалување на холестеролот.
Здравствените придобивки од мандарините вклучуваат:
Здравје на кожата
Имањето здраво ниво на витамин Ц во телото е од суштинско значење за здрава кожа. Витаминот Ц се покажа дека игра витална улога во тоа како вашето тело произведува колаген. Колагенот е она што ја прави нашата кожа да изгледа младешки. Витаминот Ц, исто така, се покажа дека го спречува и третира оштетувањето на кожата предизвикано од изложување на сонце.
Здравје на очите
Друга придобивка од високата содржина на витамин Ц во мандарини е нејзината поддршка за здравјето на очите. Може да помогне да се одложи почетокот на катаракта и макуларната дегенерација поврзана со возраста. Постојат докази дека витаминот Ц и другите хранливи антиоксиданси можат да помогнат во одржување на вашите очи здрави подолго време.
Здравје на срцето
Петгодишното истражување на повеќе од 500.000 возрасни лица покажа дека консумирањето најмалку половина чаша свежо овошје еднаш дневно може значително да го намали ризикот од кардиоваскуларни болести. Учесниците кои јаделе овошје дневно имале приближно 33 отсто помали шанси да починат од срцев или мозочен удар. Мандарините се одлична опција за секојдневно консумирање овошје.
Добри за слабеење
Мандарините можат да помогнат при губење на тежината со зголемување на дневниот внес на влакна. Цитрусните овошја, вклучително и мандарините, обезбедуваат нерастворливи влакна – вид што не ферментира во цревата – како што се целулоза и лигнин. Овој тип на влакна го зголемува чувството на ситост со забавување на минувањето на храната низ дигестивниот тракт. Ова за возврат помага да се регулира апетитот, што може да промовира губење на тежината.
Истражувањата покажуваат дека луѓето кои консумираат повеќе влакна, во споредба со оние кои консумираат помалку влакна, се поспособни да ја одржат својата телесна тежина или да спречат зголемување на телесната тежина.
Она што ја прави мандарината различна од портокалот е нејзината големина. Со оглед на тоа дека портокалите се поголеми, затоа содржат значително повеќе витамин Ц и влакна, но некогаш не се практични за конзумирање, бидејќи потешко се лупат.
Мандарините може да се користат за подготовка и на слатки и солени јадења. Сокот од мандарина е одлична состојка за маринирање на месо и риба, а можете да ја користите и неговата кора.