ЗДРАВА балансирана исхрана ќе ни помогне да изградиме здрави коски уште од рана возраст и да ги одржуваме здрави во текот на животот. Како велат од NHS, диететичарите советуваат дека за здрави и силни коски најважен е внесот на калциум, но и витамин Д, кој му помага на нашето тело да го апсорбира истиот калциум.
Покрај тоа, студиите покажуваат дека лошото здравје на коските може да предизвика состојби како рахитис и остеопороза, како и да го зголеми ризикот од кршење на коската од пад.
Правилната исхрана е само еден од темелите за одржување на здрави коски, заедно со редовно вежбање и избегнување на одредени фактори на ризик. Храната за која експертите тврдат дека е најдобра за зајакнување на коските се:
* млеко и млечни производи
* зелен лиснат зеленчук
* тофу
* јајца
* масна риба како што се сардини или лосос
* ореви
* чиа семе.