Градоначалникот на Кавадарци, Митко Јанчев во изјава за КТВ рече дека фабриката „Дрекслмајер“ нема да се затвора и од август се враќа на работа во полн капацитет. Тој појасни дека Дрекслмајер е сериозна компанија на национално ниво.
Ова доаѓа откако носителот на листата на ВМРО-ДПМНЕ во четвртата изборна единица, Александар Николоски на партиски собир во Криволак пред присутните поддржувачи на партијата рече дека „СДСМ ги затвора фабриките. Сега ја затвора и „Дрекслмајер“.
Јанчев апелираше до политичките партии да не ги мешаат компаниите во предизборната кампања.