Владата ја прифати иницијативата денот недела да биде прогласен за неработен ден.
Вработените кои се дел од големото семејство на маркетите Кит-Го, Тера и Супер Кит-Го низ Македонија ќе имаат еден ден целосно да му се посветат на семејството и најблиските.Покрај маркетите и трговските центри решија неделата да им ја дадат како слободен ден на своите вработение.
Владата и го задолжи Министерството за труд и социјална политика во рок од 15 дена да достави законско решение за ова прашање, објави на официјалниот фејсбук профил премиерот Зоран Заев
-Ова решение е во интерес на граѓаните, неделата треба да биде ден посветен на одмор, ден за поквалитетно време за секој граѓанин на кого тоа му е потребно, ден за семејството, ден за себе, вели Заев.
Иницијативата за неработна недела веќе подолго време е актуелна во регионот, меѓутоа бројот на компании во секторот трговија кои го променија своето работно време за да им излезат во пресрет на своите вработени е многу мал.