ЕКОНОМИЈА

Анѓушев: Очекувам 2019 година да биде најуспешна во последните 15 години

Оценката на економската успешност е комплес на бројки што треба да се гледаат интегрално. Успешноста не се мери само по еден параметар, туку по цел сет параметри и затоа очекувам 2019 година да биде најуспешна во последните 15 години и да има раст над 3,5 проценти и поголем, при „0“ задолжување од државата или многу мало задолжување, порача вицепремиерот за економски прашања Кочо Анѓушев.

-Кога зборваме за економски резултати на една држава тое не е само една бројка и само БДП, туку е сет на повеќе резултати. Мораме да земеме предвид кога настанал БДП колку било здолжувањето, дали паднала невработеноста, дали пораснале платите и странските директни инвестиции. Кога ќе се земе сет на сите овие прашања заедно очекувам 2019 година да биде најуспешна во последните 15 години, изјави Анѓушев во одговор на прашање пред почетокот на денешната тркалезна маса „Идната улога на пазарите на капитал во мали и отворени економии“, организирана од Комисијата за хартии од вредност и Македонската берза.

Тој посочи дека ќе продолжат да растат платите, ќе расте индустриското производство, а до крајот на годината ќе бидат подобри и државните и директните странски инвестици и ќе растат сите останати економски параметри.

Поврзани вести

Бесими: Ќе има дополнителни 70 милиони евра за зајакнување на економијата

Никола Поповски

БДП со пад од 12,7 отсто во второто тримесечје

Влатко Зорба

Сугарески: Засилена динамика на изградбата на автопатот Кичево-Охрид

user3

Македонската банкарска асоцијација препорачува да се внимава кога се читаат информациите поврзани со работењето на банките

Секој Американец должи 70.000 долари

Stefanija Kuzmanovska

Скенирани близу 29 милиони фискални сметки, исплатата на поврат на ДДВ во февруари

Никола Поповски