Кина планира да ја прошири 5G мрежата со градење на повеќе од 600.000 базни станици на таа мрежа во 2021 година, и секој седми Кинез ќе ја користи во текот на следната година.
Кинеското Министерство за индустрија и информатичка технологија ќе ја подобри изградбата, покриеноста и имплементацијата на мрежата 5G низ Кина во текот на 2021 година, рече Ксијао Јачинг на прес-конференција, објави „Чајна дејли“.
Како што посочи, Министерството ќе работи на оптимизирање и надградба на мрежата, зголемување на бројот на корисници на повеќе од 200 милиони, што е секој седми жител на Кина, и борба против кршењето на правата и интересите на корисниците на апликациите.