Германија мора да ја продолжи и заостри мерката за заклучување со цел да се спречи ширењето на коронавирусот, изјави денеска германскиот министер за финансии, Олаф Шолц.
„Разгледувам проширување и прецизни мерки за зголемување на ефикасноста на неопходните, постоечки мерки“, рече Шолц, додавајќи дека треба да се разгледаат построги правила за работа од дома со цел да се намалат мобилноста и социјалните контакти, пренесува Ројтерс.
Германската канцеларка Ангела Меркел и 16 покраински премиери се очекува утре да разговараат за понатамошните ограничувања со цел да се забави ширењето на нови, заразни верзии на коронавирусот.