Уште една вест објавена синоќа даде дополнителен ветер во грбот на биткоинот.
Најголемиот светски менаџер на средства BlackRock започнува да ја купува најпопуларната криптовалута. Оваа информација доаѓа на ден кога биткоинот го надмина нивото од 51.000 американски долари за прв пат во историјата.
„Нестабилноста е висока денес, но менаџерите бараат безбедни прибежишта“, изјави за CNBC главниот инвестициски директор на BlackRock, Рик Ридер.
Средствата на BlackRock достигнаа рекордни 8,68 трилиони долари
Уште во јануари, BlackRock посочи дека влегува во крипто-светот. Споменати се два негови фонда, имено BlackRock Strategic Income Opportunities и BlackRock Global Allocation Fund.
Оваа вест се надоврзува на низа добри вести објавени во контекст на биткоинот оваа година. Најдоброто, секако, го објави Tesla со купување на Биткоин за милијарда и пол долари, проследено со позитивни вести од Mastercard и BNY Mellon.
Се повеќе и повеќе институционални инвеститори влегуваат во игра, па затоа не е изненадувачки што вредноста на биткоинот порасна за дополнителни 70 проценти од почетокот на годината.