Рајанер најави намалување на цените на билетите на летовите на нискобуџетната авиокомпанија, за период од една година.
Извршниот директор Мајкл О’Лири се надева дека Рајанер ќе превезува околу 70 проценти од патниците во текот на летото, во споредба со стандардните бројки што авиокомпанијата ги постигна пред пандемијата на коронавирусот.
„Се надеваме дека веќе во текот на есента и зимата, таа бројка ќе достигне 80 проценти, бидејќи пандемијата ќе биде што е можно под контрола“, рече О’Лири.
Како прво, Рајанер сака да ги охрабри британските туристи да одлучат да патуваат во странство во текот на летото, бидејќи тие носат значителен дел од профитот на компанијата.
Од март минатата година, кога започна пандемијата на вирусот, Рајанер има превезено само 27 милиони патници – неспоредливо помалку од 150 милиони, што е најдобар резултат од периодот пред пандемијата.