Регистрирани се позитивни движена во економијата во првото тримесечје од годинава, кои најлесно и најбрзо може да се детектираат преку приходната страна на буџетот. Буџетските приходи се повисоки во однос на преткризниот период – 4,4% е растот на вкупните приходи, а 5% е растот на даночните приходи и придонесите во однос на истиот период лани, посочува премиерот Зоран Заев.
Наплатата на даноците е за 6,2% повисока во однос на истиот период минатата година, од кои:
➡️ ДДВ е повисоко за дури 11,4% во однос на првото тримесечје од 2020;
➡️ Данокот на добивка е на ниво повисоко за 5%;
➡️ Увозните давачки се повисоки за 10,4%;
➡️ Персоналниот данок на доход е со раст од 0,8%;
➡️ Придонесите се на повисоко ниво во однос на истото тримесечје лани за 3,3%.