Скоро 2.000 милијарди долари се потрошени за вооружување во 2020 година, и покрај слабеењето на економијата, според новиот годишен извештај на Меѓународниот институт за мир во Стокхолм (СИПРИ).
Распределбите за оружје изнесуваат 2,4 проценти од глобалното економско производство и покрај фактот што, според проценките на Меѓународниот монетарен фонд, производството е намалено за 4,4 проценти поради корона-кризата, објави Дојче веле
Првите места ги заземаат САД и Кина. Повеќе од половина од глобалното трошење на оружје оди во овие две земји, кои се повеќе се оддалечуваат политички.
Оваа сума пари не е потрошена од 1988 година, а тогаш сè уште беше време на Студената војна.
Минатата година, во 2020 година, државите инвестираа 1,981 милијарди долари во ракети, тенкови, муниција и нивните војници. Тоа е 2,6 проценти повеќе од една година порано. И сето тоа и покрај пандемијата на коронавирус, чие сузбивање предизвика економски колапс.
Само неколку земји, како Чиле или Јужна Кореја, ги намалија средствата наменети за оружје во корист на сузбивање на пандемијата. Бразил и Русија исто така ги намалија своите воени буџети во споредба со претходните планови. На пример, Русија за 6,6 проценти.