Американската компанија за транспорт на патници „Lyft“ ја продава својата единица за развој на автономни автомобили на „Woven Planet Holdings“, подружница на автомобилскиот гигант „Toyota Motor“. Договорот е вреден 550 милиони долари.
Проектот „Woven Planet“ ќе обедини инженери и истражувачи на услуги за мобилност, како и софтвер и сензори и автоматизирани системи за возење за понатамошен развој на технологијата, тврди „Toyota“.
„Овој договор ќе биде клучен во поврзувањето на луѓето, ресурсите и инфраструктурата за да ни помогне да го трансформираме светот во кој живееме преку технологии за мобилност што можат да донесат посреќна и побезбедна иднина за сите нас“, изјави извршниот директор на „Woven Planet“, Џејмс Кафнер.
„Woven Planet“ и „Lyft“ исто така потпишаа комерцијални договори за користење на системот „Lyft“ и податоците на возниот пар за забрзување на комерцијализацијата на технологијата.
Тојота исто така рече дека договорот би значел дека „Woven Planet“ ќе има локации во Токио, Пало Алто, Калифорнија и Лондон.