Во позадина на штрајкот на актерите во Холивуд, некои се пожалија дека овогодинешната филмска конкуренција не била толку силна и опасна. Со водечките на листата „Барби“ и „Опенхајмер“ имаше и други достојни филмови, но се чини дека не недостигаше вистинска животна драма.
Покрај онаа околу Селена Гомез и Тимоти Шаламет, прашина се крена и околу Емили Блант и Џон Красински!
Актерката беше снимена како разговара со својот сопруг по пристигнувањето на церемонијата, а видеото набрзо стана вирално на социјалните мрежи.
Иако нивните лица се насмеани, метежот го започна Џон Красински и неговото мрморење кое корисниците го протолкуваа како: „Едвај го чекам разводот“.
Актерската двојка не е позната по никакви драми и несогласувања, но тие живеат прилично мирен живот со оглед на нивната популарност. Тие се запознале во 2008 година, а две години подоцна се венчале.
Иако Красински претходно мислел дека не е тип за сериозни врски, откако запознал Британка со остра смисла за хумор, се предомислил.
@cbs Date night? #EmilyBlunt #JohnKrasinski #GoldenGlobes ♬ original sound – CBS
На оваа драма и пристапиле со хумор, па наводно се смеат на гласините за нивниот развод.
„Нема проблем со Емили и Џон. Тие апсолутно не зборуваат за развод. Тие мислат дека гласините се смешни“, цитира PageSix извор близок до парот.
Двајцата наводно коментирале дека фотографи ги чекале на друга локација за фотографирање, а во текот на вечерта покажале одлично расположение што ги демантира гласините за развод.