Цеца Ражнатовиќ направи хаос на социјалните мрежи кога објави фрагмент од новата песна што ја отпеа за потребите на филмот за животот на легендарниот Џеј Рамадановски.
Насловната песна за филмот „Недеља“ ја отпеа фолк дивата, која на својот Инстаграм профил објави дел од песната со кадри од филмот.
Во продолжение Цеца им посвети емотивна порака на покојните пријатели и колеги Марина Туцаковиќ и Џеј Рамадановски.
– „Сега дозволете ми да ви покажам љубов…“ Знам дека сте нетрпеливи и не сакам да чекате долго. Одбројуваме… Симболично „За крај“ за нашиот Џеј и нашата Марина. Фута и јас… – напишала накратко Цеца.
Овој клип од песната кој Цеца го објави за само еден час е прегледан повеќе од 275.000 пати, што само покажува колку долго чекаа нејзините обожаватели да сними нешто ново.