СТАНДАРД life
БИЗЛАЈФ

Белата куќа повторно воведе ограничувања за патувања од Европа

Администрацијата на новиот американски претседател Џо Бајден планира повторно да воведе ограничувања за патување за повеќето жители што не се американски државјани и кои неодамна биле на територијата на Европската унија, Велика Британија, Ирска и Бразил, потврди Белата куќа.

Пред да замине од претседателската функција, Доналд Трамп ги укина ограничувањата за патување. Но, новото раководство на САД, покрај претходните ограничувања, ќе наметне дополнителни ограничувања на луѓето кои престојувале во Јужна Африка, каде што се појави нов вид на коронавирус и предизвика загриженост кај научниците.

„Со влошена пандемија и појава на позаразни верзии на вирусот ширум светот, не е време да се укинат ограничувањата на меѓународните патувања“, објави портпаролот на Белата куќа Џен Псаки минатата недела на Твитер.

„Според советот на нашиот здравствен тим, оваа администрација нема намера да ги укинува ограничувањата. Всушност, ние планираме да ги засилиме мерките поврзани со меѓународните патувања за да го ограничиме ширењето на коронавирусот“, додаде Псаки.

Поврзани вести

5 знаци дека кандидатот има голем ПОТЕНЦИЈАЛ

Влатко Зорба

Nike направи патики кои се облекуваат без раце (ВИДЕО)

Влатко Зорба

„Застава 5700“: Мистериозен суперавтомобил кој можеше да стане југословенско Ферари