СТАНДАРД life
БИЗЛАЈФ

Кои се најважните трендови во ентериер дизајнот за 2021 година?

Во 2020 година, научивме колку е важно да имаме добро организиран простор во нашите домови токму затоа што најмногу време поминавме во нашите четири sида, живеејќи, работејќи и забавувајќи се.

Како што се испостави, оваа година нема да донесе ништо ново ниту во оваа област на животна организација. Многумина од нас минатата година ја искусија работата од дома и сите нејзини предности и недостатоци, и колку е важно да се прилагоди просторот и на тоа.

Трендовите во ентериер дизајнот се водени од слични постулати – важен е правилниот сооднос на работата и просторот за живеење.

Во годината што штотуку започна, домашните растенија, боите, допирот на луксузни и релаксирачки агли ќе бидат многу популарни, пишува „Журнал“.

Малку луксуз

Многумина од нас ќе можат да си дозволат ситници во нашите ентериери кои ги потсетуваат дека треба да уживаат во малите нешта во животот. Секојдневниот луксуз ќе стане задолжителен бидејќи навистина никогаш не знаеме што ќе ни донесе утрешниот ден. Квалитетна постелнина, шик масички до кревет, дизајнерски ламби. Кралската атмосфера во спалната соба оваа сезона е „ин“.

Ќоше за релаксација

Немаме сите доволно простор да претвориме еден дел од домот во оаза за опуштање, но буквално може да биде вашата омилена софа или фотелја покрај прозорецот. Стресниот период кој не следеше во текот на изминатите неколку месеци остави свој белег во нашата состојба и затоа е важно редовно да наоѓате време за себе. Без разлика дали станува збор за агол за читање, миризливи свеќи во бањата, меко ќебе или сет за чај – деталите што ќе ве задоволат се исклучително важни за внатрешната стабилност.

Жолта и сива

Иако изборот на бои во ентериерот е често индивидуален, во оваа сезона ќе доминираат жолтата и сивата во различни комбинации. Пристојни уметнички постери, сиви фиоки и sидови и жолт мебел. На вас е да експериментирате и да внесете спокојство во вашиот животен простор.

Растенија

Дефинитивно најдобриот начин да внесете допир на природата во вашиот ентериер. Големите растенија што ќе го отворат и зазеленат секој агол од вашиот ентериер се идеални, но дури и малите пристојни растенија сигурно ќе придонесат за подобра енергија и на крајот почист воздух во вашиот дом.

Геометриски форми

Оваа година, апсолутен хит се геометриските форми. Без разлика дали станува збор за украси, необичен мебел, геометриски обрасци на домашен текстил. Осмелете се и направете еклектична промена, сè што не е монотоно и досадно е добро.

Поврзани вести

Авторот на ЛЕГЕНДАРНАТА ФОТОГРАФИЈА на Сандерс: „Би сакал да не ја направев“

Влатко Зорба

СЗО не ги советува државите да го условуваат патувањето со вакцинација

Влатко Зорба

Италијанската мафија започна да ги презема малите бизниси

Влатко Зорба