СТАНДАРД life
БИЗЛАЈФ

Колку трошат Европејците на алкохол? (инфографик)

Европејците потрошиле вкупно 117 милијарди евра на алкохолни пијалоци во 2019 година, покажуваат податоците на „Евростат“а.

Ова е еднакво на 0,8% од бруто домашниот производ на Европската унија.

Оваа сума не ги вклучува трошоците за алкохолни пијалоци направени во ресторани и хотели.

Трошоците за алкохол, како дел од БДП, се највисоки во балтичките републики – Литванија, Латвија и Естонија, каде што цените на високо квалитетните пијалоци се исто така највисоки.

Во овие три земји учеството на трошоците за алкохол во БДП е 4,8% во Латвија, 4,7% во Естонија и 3,7% во Литванија, соодветно.

Веднаш ги следат Чешка и Полска со по 3,4% од БДП, а во Хрватска, Унгарија и Финска учеството на алкохолни пијалоци достигнува 2,9% од БДП.

Во просек за Европската унија е 1,6%, а истата вредност е регистрирана и во Бугарија.

Грците и Италијанците трошат најмалку на алкохол – 0,9% од БДП. Во Холандија ова учество е 1,1%, а во Шпанија и Австрија е 1,2% и 1,3%, соодветно.

За последната деценија – од 2009 до 2019 година, учеството на алкохолни пијалоци во вкупните трошоци на домаќинствата се намали во 13 земји на Заедницата.

Најголем пад е регистриран во Литванија (со 1,8 процентни поени), проследено со Летонија (-1,5 процентни поени), Бугарија (-1,3 процентни поени) и Естонија (1,1 процентни поени).

Зголемување на учеството на трошоците за алкохол за истиот период е забележано во Романија (за 0,5 процентни поени) и Португалија (за 0,3 процентни поени).

Поврзани вести

Принцот Чарлс и големи компании се здружуваат за справување со климатската криза

Влатко Зорба

Хотелски работник отпуштен затоа што флертувал со лице во изолација

Влатко Зорба

Животни навики што ве прават подобар претприемач

Влатко Зорба