Стандард
БИЗЛАЈФ

НА ЕГЕЈСКО МОРЕ се уште на сила ПОЛИЦИСКИ ЧАС: Грција полека почнува да ги релаксира мерките пред почетокот на сезоната

ГРЦИЈА ги отвори своите граници, но во моментов не се дозволени македонски туристи. Летната сезона започнува на 14 мај, а епидемиолошките мерки, кои се однесуваат на граѓаните на оваа земја, државата полека почнува да ги олеснува.

Како што е истакнато во Службениот весник на Грција, полицискиот час околу претстојните велигденски празници се скратува. Така, затворањето сега трае од 22 до 5 часот наутро. А од 3 мај, се поместува на 23 часот. Сепак, останува забраната за меѓурегионални патувања. Меѓуопштинското движење е дозволено за време на викендите, во рамките на една регионална единица.

За време на службите во црквите, употребата на двојни маски за верниците е задолжителна. Покрај тоа, свештениците и хористите во црквата ќе треба да направат само-тестирање. Бројот на луѓе во црквите е исто така ограничен.

– Од 3 мај треба да стапи на сила укинувањето на испраќањето СМС пораки, што Грците мораа да ги испраќаат за да излезат надвор – се наведува во грчкиот „Службен весник“. – Патувањето од еден регион во друг е забрането до 10 мај, освен од потребни причини.

Трговските центри се отворија пред неколку дена. Сепак, тука има ограничувања. Така, купувањето на мало е можно само со испраќање на СМС порака. Дозволено е едно патување до продавницата, за период од три часа. Рестораните и кафулињата повторно ќе започнат со работа на 3 мај.

Граѓаните од Западен Балкан, доколку Европскиот парламент го прифати предлогот на Европската комора, за време на короната може да патуваат во Европската унија како и сите Европејци – со дигитални зелени сертификати.

Поврзани вести

Топ 5 парчиња што секоја деловна жена треба да ги има во својот плакар

Влатко Зорба

Црна Гора: Првата крава платена во криптовалута

Влатко Зорба

Ги запознаваме ретките болести: Хистиоцитоза на Лангерхансови клетки

Влатко Зорба
error: Превземањето на содржина без дозвола од авторот е дело казниво со закон!!!