Ако барате секојдневна инспирација, оваа нова реклама на Nike треба да заврши работа.
Откако пушти вежби за бремени жени и мајки, компанијата за спортска облека претстави и кратка реклама, доловувајќи ја оваа прилично предизвикувачка и трансформативна фаза од животот на жените.
Повеќе од 20 жени ширум светот се претставени на видеото, чија порака е – мајчинството е ултрамаратон во кој победуваат сите.
Зад рекламата стои Wieden + Kenndy агенцијата од Лондон. И бидејќи правењето што било за време на глобална пандемија може да биде десет пати покомплицирано, снимањето на видеото не е исклучок.
Овој краток клип е, всушност, организиран преку „Zoom“ за да остане во чекор со мерките за здравје и безбедност. Сепак, жените кои учествуваат во неа обезбедуваат над 22 часа интимни снимки што ги направиле сами или со помош на пријатели и семејство.
Повеќе од 20 жени од различно потекло учествуваат во рекламата, покажувајќи како ги балансираат бременоста, мајчинството и здравјето, пренесува BoredPanda.
Мајки од САД, Сингапур, Франција, Австралија, Јамајка и други земји ја илустрираат својата моќ за време на еден од можеби најтрансформирачките периоди од нивниот живот – бременоста, породувањето и раното мајчинство.
На рекламата учествуваат и светски познати спортисти како Серена Вилијамс, Алекс Морган, Пери Едвардс, Бјанка Вилијамс, Шели-Ен Фрејзер-Прајс и Ниа Али.