Стандард
БИЗЛАЈФ

Што е економија на досада и како ги обликуваше нашите животи за време на пандемијата?

Пандемијата влијаеше на економијата на многу начини, дури и со тоа што луѓето се досадуваа повеќе од кога било.

Со ограничување на социјалните контакти, одмор, дружење и патувања, пандемијата принуди многу луѓе да водат тивок, здодевен живот и наместо во дневни рутини, да паднат во секојдневна монотонија.

Оваа состојба беше обликувана од она што го правевме за време на пандемијата, но и од она што сме го купувале.

– Бидејќи поминавме толку многу време во куќи, започнавме да инвестираме многу повеќе во нив – објаснуваат аналитичарите.

Влијанието на здодевноста врз економијата е несфатливо, бидејќи луѓето трошат пари поинаку во различни емотивни состојби. Еден од највпечатливите примери се случи минатиот месец кога група аматери од Редит купија акции на „ГејмСтоп“ и создадоа хаос на Волстрит. Делумно од досада.

Сè повеќе луѓе се заинтересирани да инвестираат пари, а експертите за тоа го обвинуваат вишокот слободно време и здодевноста.

Се разбира, многумина беа позафатени од кога и да било за време на пандемијата, но несомнено се појавија огромен број луѓе кои купуваа од досада, инвестираа од досада, прифаќаа нови работни места од досада … И досадата до неодамна беше луксуз на оние кои не мора да работат за да обезбедат пари за опстанок.

Досадата нормално би ја пополниле со разни содржини, но тие сега не ни беа достапни. Досадата го зголеми нивото на импулсивни набавки, затоа што клиентите се надеваа дека ќе се забавуваат по нив.

Така, на почетокот на пандемијата скокна продажбата на машини за правење леб, како и брашно, квасец и други потреби за леб. Продажбата на сложувалки драстично скокна, бидејќи луѓето сакаа да пополнат малку време. И градинарството одеднаш стана хит. Како и средување на домот, од паркет до под.

Скокна и продажбата на видео игри, како и работи што можат да го ослободат стресот, вклучително и книги, но и свеќи и уреди за масажа.

Досадата исто така доведе до поголема интоксикација и употреба на алкохол, а луѓето генерално станаа помалку продуктивни поради ова чувство.

Досадата од пандемија може целосно да ја преориентира моменталната економија и на крајот да ги наведе луѓето и компаниите да бидат многу покреативни.

Поврзани вести

4 финансиски лекции од 2020-та кои ќе ви помогнат да испланирате солидна 2021 година

Влатко Зорба

Вработените доцна сфаќаат дека се жртви на мобинг: Како да ги препознаете знаците на вознемирување на работа?

Влатко Зорба

Кино-индустријата ја започнува 2021 година со надеж за подобри денови

Влатко Зорба
error: Превземањето на содржина без дозвола од авторот е дело казниво со закон!!!