Мерките за заклучување, кои исто така ја оневозможуваат работата во училиштата, драстично се одразуваат на подоцнежните шанси за поголема плата за децата, покажува истражувањето на економистот Луџер Весман.
Учењето од дистанца соочи многу семејства со големи проблеми.
Грижата за децата и работата е тешко да се комбинираат, а следењето настава од дома често не функционира најдобро.
Весман предупредува дека затворањето на училиштата ќе има сериозни материјални последици врз учениците, односно нивните шанси да заработат поголеми приходи.
„Со затворањето на училиштата се пренесува помалку знаење. Економските последици од тоа може да се пресметаат. Ако се изгуби една третина од учебната година, тоа значи во просек околу три проценти од животните приходи“, рече Весман, наведувајќи дека во најлош случај, тоа значи загуба од околу 30.000 евра.
Економистот стравува и дека многу студенти нема да можат да ја добијат посакуваната диплома, а со тоа да ја изберат посакуваната професија.