Стандард
ЕКОНОМИЈА

Ангеловска во Париз на состанок на БЕПС

Министерката за финансии Нина Ангеловска денеска ја потпиша Мултилатералната конвенција за мерки за спречување ерозија на даночната основа и преместување на профитот, во рамки на 8-миот состанок на БЕПС (Рамка за мерки против даночна евазија на ОЕЦД), што се одржува во Париз.

Со потпишување, како што соопштуваат од Министерството за финансии, на овој мултилатерален договор ќе се зајакнат постојните договори за избегнување двојно оданочување, во насока на борбата против даночната евазија.

-Пристапувањето кон оваа мултилатерална конвенција ќе и помогне на нашата земја да се бори против злоупотребата на билатерланите договори и ќе ги зајакне постојните договори против избегнување данок и против вештачко префрлање на профитот на локации со пониски даноци, или каде нема да се плати данок. Досега имаме потпишано билатерални договори за избегнување двојно оданочување со 49 земји. Билатералните договори се потпишувани низ годините и голем дел од нив се по застарени стандарди. Потпишувањето на конвенцијата ќе ни овозможи обновување на сите договори одеднаш и додавање на дополнителна заштита против двојно неоданочување и штетните даночни практики,рече Ангеловска.

Република Северна Македонија е 94-та земја која ја потпишува оваа конвенција.

Главната тема за дискусија на 8-миот БЕПС состанок се даночните предизвици што  произлегуваат од дигитализацијата. На состанокот присуствуваат 350 делегати од 122 земји кои дискутираат за предизвиците, со цел да најдат консензус и да утврдат чекори кон потенцијални решенија, од кои некои можат да направат промени во меѓународните даночни норми, кои исто така се од голема важност за земјите во развој.

Поврзани вести

Голем дел од занаетчиите не можат да аплицираат на бескаматните кредитни линии на Развојна банка

Влатко Зорба

Сугарески: Со посебна Уредба се зголемува дневното возење на возачите на камиони

Берта Китинска

Централен регистар: Не е потребен правосуден испит за да се исполни обврската за регистрација

Влатко Зорба
error: Превземањето на содржина без дозвола од авторот е дело казниво со закон!!!