„Угостителскиот сектор е многу помогнат, само во првиот и вториот пакет на мерки, дури и во бескаматните линии, имаше само мерки за угостителите, наспроти сите други“, изјави денес вицепремиерот за економски прашања, Фатмир Битиќи.
Според него, тие продолжуваат да добиваат финансиска поддршка за плати, како што добиваат сите.
„Процентуално еден солиден дел имаат земено плати од угостителските објекти. Исто така имаше посебно креирани мерки во делот на хотелиерството, туризмот и угостителството, преку Министерството за економија преку ваучерите. Не се согласувам дека не се поддржани наспроти сите други. Не знам зошто би требало ваков вид на комуникација“, вели Битиќи на прашањето за реакцијата на НУК.