Стандард
ЕКОНОМИЈА

Finance Think: Со финансиската поддршка за компаниите се сочувале 80 проценти од работните места

Финансиската поддршка од 14.500 денари по работник, надополнета со субвенционирањето на придонесите во висина од 50 проценти кај најзасегнатите сектори во транспортот и угостителството овозможила зачувување на околу 80 проценти од работните места кои биле високопогодени и било извесно дека ќе бидат затворени, покажуваат податоците од симулацијата направена од „Finance Thinк “.

Со овие мерки се зачувале околу 75 илјади работни места кои биле под висок ризик да бидат изгубени.

– Поради околностите сврзани со пандемијата во време на пишување на овој бриф, Finance Think и препорачува на Владата на Северна Македонија да го продолжи важењето на овие мерки и за јуни 2020, се вели во информацијата.

Според Finance Think, фискалниот трошок на државата се проценува на 93,2 милиони евра за оваа мерка. Од овој износ, 5,9 милиони евра месечно, односно 11.8 милиони за двата месеца отпаѓаат на најпогодените сектори во транспортот и угостителството, со покривање од околу 22 илјади работници. Дополнителни 810 илјади евра изнесува финансискиот трошок за мерката за субвенционирање на половина од придонесите во транспортот и угостителството.

Симулацијата покажува дека околу 32 илјади работни места во најпогодените сектори и
околу 43 илјади работни места во високопогодените сектори биле под ризик да бидат
уништени. Вкупниот износ на работни места кои би биле изгубени поради кризата
се проценува на 75 илјади што претставува 9.2 проценти од вкупните вработени во државата.

Резултатите покажуваат дека без финансиска поддршка на претпријатијата за задржување на работните места, стапката на невработеност би изнесува 23,9 проценти.

Поврзани вести

Ангеловска: Преку јасна стратегија и партнерство ги решаваме невработеноста и сивата економија

msp-admin

Ангеловска-Бежоска: Заштедите на граѓаните во банките и штедилниците се сигурни и безбедни

Ангеловска-Бежоска: Немаат економски аргументи шпекулативните тврдења за курсот на денарот