СТАНДАРД life
КОМПАНИИ

Пред да се преселите во Германија, подготoвка по дома

Потенцијалните мигранти во иднина ќе се подготвуваат за живот во Германија во нивните земји. Ова произлегува од Акциониот план за интеграција, усвоен од владата во Берлин. Мерките утврдени во тој документ се насочени кон „воспоставување систем во земјите на потекло за успешна интеграција дури и пред да се вселување во Германија“, изјави владиниот комесар за интеграција, Анет Видман-Мауц во Берлин.

Конкретно, идните или потенцијалните мигранти треба да бидат обезбедени со релевантни информации со цел да се остварат реални очекувања од Германија, и станува збор за стекнување на најдобри можни јазични вештини.

При изготвувањето на Акциониот план, Германија се водела од искуството на класичните имиграциски земји. Така Берлин сака миграциите да бидат „безбедни, уредни и редовни“, додаде Видман-Мауц.

Професионална работна сила

Германската влада, оценува комесарот за интеграција, „влегува во непозната територија“. Видман-Мауц прецизира дека новиот пристап треба да биде поддржан и со законот за имиграција на работната сила, кој влегува во сила на 1 март.

„Мерките во земјите на потекло, како што се понуда за учење јазик, можат да ја забрзаат миграцијата на квалификувана работна сила“.

Целта е да се позиционира Германија како атрактивна земја за имигрантите во глобалното натпреварување при привлекување квалификувани професионалци. „Во исто време, преку информативна и едукативна работа, ќе се обидеме да ги отстраниме лажните очекувања од животот во Германија“, истакна Видман-Мауц.

Легален пат за имиграција

Претставникот на Меѓународната организација за миграција (ИОМ) во Германија, Моника Горачи, проценува дека Акциониот план на Берлинската влада е „иновативен“. Како што истакна таа, една од најважните мерки против нелегалната миграција треба да биде создавање на легални патишта за имиграција.

Во сите европски земји, истакна Горачи, има потреба од работна сила. Во Германија или Италија, ретко кој има домашни работници кои сакаат да „работат како помошници на терен за време на жетва, да чистат или да вршат тешка физичка работа на градилишта“. И многу мигранти, заклучува Моника Горачи, се подготвени да ги преземат и да ги извршуваат токму овие работи.

Поврзани вести

Идеолошките конфликти се спротивни на пазарните принципи на пазарот, вели претседателот на Кина

Влатко Зорба

Кој на УЈП ѝ должи 8,9 милијарди денари?

msp-admin

Недела ден за одмор: Дел од маркетите одлучија, овој ден да биде неработен

Берта Китинска