СТАНДАРД life
ЕКОНОМИЈА

Министерство за економија: Има доволно резерви на пченица, нема неконтролиран извоз во Косово

Има доволно резерви на пченица, нема неконтролиран извоз, ниту камиони полни со македонска пченица се извезуваат во Косово. Министерството за економија ги демантира сите наводи во некои од медиумите дека во земјата има резерви на за само 26 дена.

„Некои медиуми денеска објавија дека камиони со македонска пченица се извезуваат во Косово и дека имаме резерви за само 26 дена. Министерството за економија им порачува на ваквите медиуму што шират лажни вести дека треба да се засрамат посебно во ваква кризна ситуација во државата предизвикана од Коронавирусот. Апелираме до сите граѓани дека имаме доволно резерви на пченица и на брашно во државата. Дополнително Министерството за економија донесе одлука и ја достави до Владата за забрана за извоз на пченица и брашно во други земји.

Има контроли и инспекции на терен и нашите граници се осигурани.

Да потсетиме дека објавувањето на лажни вести согласно заклучок на Владата се казниво по Закон.

Апелираме до медиумите да не објавуваат лажни вести кои предизвикуваат паника кај граѓаните во оваа кризна ситуација., се вели во соопштението на Министерството за економија.

Поврзани вести

Инспекциите спроведоа вкупно 6.038 контроли и надзори, затворени се три угостителски објекти

Влатко Зорба

Продолжен рокот за доставување годишни сметки до Централниот регистар

Влатко Зорба

Усвоена Програмата за Рамномерен регионален развој за 2021 година

Влатко Зорба